Arc de Berà.

Arc onorific plaçat en traçat dera Via Augusta, quilhat entre es ans 15 e 5 aC per disposicion testamentària de Luci Licini Sura –prefècte dera Colonia Victrix Iulia Lepida (Velilla de Ebro, Saragossa)– e dedicat ar emperaire August.

Bastit damb carrèus de pèira locau, ei d'ua soleta dubertura e presente ueit pilastres estriadi, acabadi damb capitèths corintians que sostien er entaulament, a on se consèrve era inscripcion commemorativa dera sua construccion.

Er aspècte actuau der arc ei eth resultat de diuèrses restauracions amiades a tèrme ath long deth temps. Er atic, er element arquitectonic que coronaue originàriament eth monument, non s'a conservat.

Era sua construccion —ena Via Augusta, a uns 20 km de Tarraco— s'explique en contèxte dera reforma viària e administrativa amiada a tèrme per August er an 27 aC.