Fotografia trobada en estudi d’Abelló e Brossa, 1981. Musèu Municipau Joan Abelló.
Joan Bròssa hec part deth grop Dau al Set, amassa damb Arnau Puig, Tàpies, Ponç, Cuixart e Tharrats. Maugrat que Joan Abelló non formèc jamès part de Dau al Set, òc que mostrèc fòrça interès pera òbra d’aguesti artistes. Ei per açò qu’era Fondacion acuelh un destacat hons de Dau al Set.
En parallèl, Brossa e Abelló establiren ua relacion d’amistat. Èren freqüentes es reünions entre es artistes, e quitament Brossa estreèc ua òbra de teatre, Aquí en el bosc, ena casa deth pintor er an 1962.
Cau destacar era òbra Poèma experimentau (1947), un colatge format per sillabes desordenades e agulhes sus un papèr blanc Aguesta combinacion d’objèctes e fragments de paraules permet ar autor d’endintrar-se en mon dera poesia visuau.
