Hemna seiguda, Manolo Hugué Martínez, 1929-1930. Relèu en terracòta patinada, 16,5 × 25 cm. Musèu Municipau Joan Abelló.
Manuel Martínez Hugué (Barcelona, 1872 - Caldes de Montbui, 1945), coneishut coma Manolo Hugué, o simplament Manolo, siguec un artista naucentista polifacetic que recebec influéncies avantgardistes. Era tecnica deth relèu mos demòstre era permanenta recèrca estetica de Manolo Hugué. Aguesta pèça hè part d’un corròp d’òbres que culminen damb Era bacanta (1934), en tot seguir ua idèa qu’anèc madurant ath long des ans, a on demoren exprimidi tèmes ar entorn deth volum e deth moviment. Es estudis dera òbra comencen er an 1928 e culminen er an 1934.
Hemna seiguda ei ua naua interpretacion deth tèma: es variacions enes actituds deth còs femenin a compdar deth crotzament dera cama dreta sus era quèrra, eth supòrt deth braç esquèr sus eth cap e eth tòrs tà darrèr damb era man dreta en tèrra en tot sostier eth pes deth còs, de linhes robustes.
