Vista dera sala damb es òbres de Pancho Cossío e Rafael Zabaleta.
En Espanha —era Espanha non catalana— es inquietuds der avantgardisme costèren mès d’arraïtzar qu’en Catalonha. Totun i apareisheren figures que demostrauen ua volontat d’innovacion, que se ben non tostemp coïncidie damb era des escòles egemoniques de París, non deishaue de trincar damb er academicisme en vigor o eth modernisme ja assimilat.
Eth madrilenc Juan Gris se dediquèc a ua illustracion de premsa semblabla ara des artistes plaçadi en apartat dera satira; totun, un còp establit en París, vierie un des cabecèrs mondiaus deth cubisme. Tanben cau mencionar Celso Lagar, Pancho Cossío, Benjamín Palencia, Ángel Ferrant, Óscar Domínguez, Manuel Viola, Rafael Zabaleta e eth pintor aragonés Antonio Saura.
