Cercaire de musèus e localitats

Musèu Municipau Joan Abelló

Abelló e Dalí

Joan Abelló e Salvador Dalí en interior der Hotel Ritz, 1970. Musèu Municipau Joan Abelló.

Joan Abelló e Salvador Dalí en interior der Hotel Ritz, 1970. Musèu Municipau Joan Abelló.

Joan Abelló e Salvador Dalí establiren ua relacion personau d’amistat entre mejans des ans seishanta e mejans des setanta. A compdar d’ací, s’establic un grad de collaboracion deth quau aué se pòden veir testimònis fòrça concrèts en hons deth Musèu Abelló.

Un clar exemple ei era òbra Eth retrat d’Abelló, ena quau Dalí mòstre un Abelló fòrça quichotesc. Dalí vedie Abelló coma un òme lutador, ara recèrca deth sòn sòni: eth Musèu Abelló. Per açò, eth musèu tanben acuelh dus cartèus des ans 70 deth futur musèu pintadi peth pròpri Dalí.

Era auta òbra exemplara ei Rocibaquinante, que curiosament ei era union de dus shivaus fòrça coneishudi: eth Rocinante deth Quichòte e eth Babieca deth Cid Campeador. D’aguesta manèra, Dalí simbolize era tenacitat d’Abelló entà crear eth sòn musèu, tan desirat pendent fòrça ans.

scroll to top icon