Era òbra de granes dimensions hège part dera decoracion dera Casa Trinxet que Joaquim Mir auie hèt entath sòn oncle. I trobam un païsatge de gran format damb un cromatisme fòrça intens. En aguesta pèça, qu’aperten ara epòca malhorquina de Mir, eth pintor i represente ua vista des còves de Malhòrca. Er intens cromatisme guanhe rotundament era forma, per çò que non i a cap referéncia ath païsatge; ben ath contrari, cau fixar-se ena vibracion des colors, damb ua predominança des colors heiredes coma blus, grisi e verdosi, maugrat qu’ena part superiora a man quèrra destaquen tonalitats mès caudes.