Òbres de Marc Aleu e Joan Brotat, laguens der encastre des dusaus avantgardes
Era halha dera modernitat extrèma la portèc eth grop Dau al Set, fondat eth 1948. Ena colleccion amassada per Joan Abelló —que tanben coma pintor s’apropèc un cèrt temps ad aguesta avantgarda—, i a exemples de prumèr orde tant de Joan Ponç, coma de Modest Cuixart, Antoni Tàpies e Joan Brossa, membres destacadi deth grop, cultivadors d’un mon oniric, magic, que no auie arren a veir damb es avantgardes anteriores. Totun, entà bèri uns era estetica de Dau al Set solament siguec un pas de cap a evolucions posteriores, tanben avantgardistes, de ton informalista sevèr en Tàpies e rutilant en Cuixart.
Darrèr d’eth, auti pintors alavetz joeni, coma Jaume Muxart, Francesc Garcia Vilella, Marc Aleu, Enric Planasdurà, Joan Brotat e Armand Cardona Torrandell, dan còs a ua avantgarda des ans seishanta, damb fòrça preséncia publica, enquiath punt d’arténher qu’as uelhs de fòrça gent aqueri ans s’identifiquen damb era pintura des membres d’aquera generacion.
De toti, ath delà des membres deth Dau al Set, qui mès impacte causèc siguec segurament Josep Guinovart, damb era sua pintura quasi escultorica, non figurativa, mès soent fòrça istoriada.
