Pendent eth periòde d’enterguèrres, en Tossa i arribèren artistes procedenti de pertot d’Euròpa, coma Òlga Sacharoff. Dempús, entre 1930 e 1936, Tossa s’aumplic d’artistes de diuèrses disciplines, era majoritat alemands d’origina judiva que pressentien, pr’amor des prumèrs decrèts antisemites, era orror que se vierie bèri ans dempús. Marc Chagall, André Masson, Jean Metzinger e Georges Kars sigueren bèri uns des artistes que s’establiren en Tossa, en tot crear un barrejadís d’avantgarda jamès vist abans. Aguesta siguec ua epòca tan eclectica que Rafael Benet qualifiquèc Tossa de “era Babèl des Arts”.