Er an 1934, Chagall demorèc pivelat peth païsatge de Tossa e, mès que mès, pera sua gamma de blus. Era majoritat d’òbres que creèc en Tossa son aquarèles e goaishes.
En Eth vriolonaire celèst, Chagall evòque Vitebsk, eth païsatge s’obsèrve a trauès d’ua hièstra de blus intensi que mos indique eth limit entre interior e exterior. Dempús de Tossa, dempús der ara e ací, Chagall rebrembe eth païsatge dera sua enfança. Era figura deth vriolonaire poderie evocar eth sòn oncle, que jogaue eth vriolon enes celebracions judives e damb qui mantiege ua estreta e afectuosa relacion, mès que mès pendent era sua enfança.