En aguest terren deth centre comerciau se localizèc un tram de via romana, construïda en epòca der emperaire August (sègle I aC). De cap ath nòrd, era via s'aluenhaue dera ciutat e amiaue ath pont que crotzaue eth riu Francolí. En direccion ath sud, connectaue damb eth sector dera Necropòli paleocristiana. Mesure 4 m d'amplada e ei construïda damb ua capa de tèrra e calhaus fòrça compacta.
Ua auta des construccions documentades ei ua domus suburbana, era residéncia d'ua familha amonedada, organizada ar entorn d'un pati centrau. Disposaue d'ua sala de recepcions damb ua absida entara celebracion d'actes sociaus. En costat èst dera casa se trapen es banhs, damb un vestiari e estances a diferenta temperatura. Eth caldarium, o sala cauda, ère decorat damb un mosaïc vistós que se pòt veir pendent era visita.