Er an 1926, Joan Serra i Vilaró assumís era direccion dera excavacion arqueologica des terrens destinadi ara Fabrica de Tabacs. Es trabalhs, que se perlonguen enquiar an 1933, meteren ath descobèrt un des airaus funeraris d'epòca tardiua mès importanti der occident roman. Cau destacar era sua rigor scientifica e metodologica, autant ena excavacion coma ena documentacion e difusion des resultats obtengudi.
Era sua intervencion resulte decisiva entara preservacion e era adequacion museografica deth sector dera necropòli adjacenta ath Musèu Paleocristian, inaugurat er an 1930. Ua bastissa d'estil neoclassic eclectic, entornejada de jardins, que cònste d'ua sala centrau entornejada d'un ambulacre perimetrau, a on se mostrauen es pèces mès remarcables, mès que mès, epigrafia e sarcofags.