Cercaire de musèus e localitats

Musèu e necropòli Paleocristians.

Conjunt paleocristian deth Francolí, era basilica.

Er an 1994, damb motiu des òbres de construccion deth centre comerciau Parc Central, se descorbic un tram de via romana e es rèstes de diuèrses construccions datades entre es sègles I aC e V dC. Es mès importantes e mès ben conservades, totun, son des sègles IV e V. Aguestes bastisses, deuant dera dificultat de conservar-les en sòn emplaçament originau, sigueren trasladades tara planta sosterranha deth Parc Central, a on se pòden visitar.

Es rèstes arqueologiques del Parc Central hèn part deth Conjunt Paleocristian deth Francolí, e comunicarien a trauès d'ua via damb es rèstes que se consèrven ena Necropòli paleocristiana.

Ua d'aguestes bastisses ei ua basilica, ua glèisa cristiana formada per tres naus e pòrge, bastida ar entorn der an 400 dC. Jos eth sòn pasiment se trapèren enquia 200 tombes. Ath pè dera nau centrau se place era contraabsida, aucupada peth sepulcre d'un individú destacat laguens dera comunitat. Eth pòrge, un pati entornejat d'abitacions, ei unic ena peninsula Iberica.

OBJÈCTES

scroll to top icon