Er an 1910 era vall Fosca ei un territòri dedicat ara pagesia e ath bestiar a on i viuen 1.400 persones.
Un dia, es aigües des estanhs e rius dera cabeçada dera val se convertissen en objectiu des empreses electriques. Era vida dera pagesia se ve alterada peth començament des òbres de construccion deth complèxe idroelectric de Capdella. Era empresa electrica aufrís trabalh as vesins, mès ben pògui i vòlen anar a trabalhar perque non les agraden es dures condicions de trabalh e preferissen continuar damb eth bestiar transumant cap ath sud, tara plana d’Urgell e era Llitera.
En aguesta epòca eth papèr dera hemna enes cases de pagés ei important, ja que son eres que regissen era vida domestica, s’aucupen des bèsties e dera casa e des hilhs, perque es òmes son longues temporades dehòra damb eth bestiar.
Es òbres dera centrau signifiquèren un auançament tara arribada dera modernitat ena vall Fosca: construccion dera carretèra, lòcs de trabalh remuneradi damb salari fixe e orari delimitat, servicis medicaus...
Aguest espaci recree ua sala d’ua casa tipica dera val e ath delà i a ues pèces de ròba damb es quaus eth visitant se pòt vestir d’epòca.