Museu Etnològic del Montseny, la Gabella

Eth Museu Etnològic del Montseny (MEMGA) a estat concebut, des des sòns inicis er an 1985, com un centre de conservacion, difusion e investigacion deth patrimòni culturau deth massís deth Montseny. Era relacion entre es persones e er entorn, e es mecanismes qu’intervien en aguesta relacion, son eth marc principau des sues linhes de trabalh, atau com era implicacion ena dinamizacion culturau, sociau e economica deth sòn territòri.

Actuaument eth memga, plaçat en un edifici deth sègle XVII totaument restaurat e adaptat, dispause d’ua superfícia de 1.800 mètres carrats, damb quinze sales d’exposicion permanenta enes quaus eth visitant pòt observar es testimònis materiaus des diferentes comunitats umanes qu’ath long dera istòria an poblat eth massís.

Laguens des sues colleccions cau destacar es mòstres d’oficis artesanaus e dera prumèra industrializacion e un extraordinari hons de materiaus arqueologics des sègles XIV-XVI, testimòni ena sua major part dera vida quotidiana des òmes e es hemnes que pendent aguest periòde viueren en castèth de Montsoriu.

Era visita ath musèu, permet ath madeish temps, gaudir d’un espectacular recorrut peth mon imaginari e magic dera montanha, recuelhut enes projeccions Les dones d’aigua e Llegendes del Montseny.

INFORMACION

ADREÇA

Carrer Major, 6
17401 Arbúcies  (La Selva)

TARIFES

Tarifa generau: 4,00 €
Tarifa redusida: 2,00 €
Tarifa de grop: 50,00 € (grups de 20 a 40 persones)

TELEFÒN

+34 972 860 908

WEB

http://www.museuetnologicmontseny.org

ORARIS

Tot er an: de dimars a diuendres, de 11.00 a 14.00 e de 17.00 a 20.00 ores; dissabte e dimenge, de 11.00 a 14 e de 16.30 a 19.00 ores; festius, de11.00 a 14.00 ores

Dies de barrament: deluns; 25 de deseme; 1 de gèr; dimèrcles de hèsta major.

ADREÇA ELECTRONICA

memga@arbucies.org