En seteme ère era epòca d’escabeçar eth milhòc, de cuélher es mongetes e es truhes, d’amassar es peres e es pomes e tanben de bàter es escarèrs. Entrada era tardor, era gent dera casa escuelhie eth milhor gran de seme entara semiada. Venie eth temps de laurar es camps damb er arair tirat pes animaus: bòus, vaques o mules, qu’eth pagés guidaue entà que era relha hesse eth soc plan dreit.