Cercaire de musèus e localitats

Museu Etnografic de Ripoll

Armes de huec

Sala d’armes.

Sala d’armes.

Eth hèr obtengut des hargues medievaus ère transformat en utisi deth camp, pèces entà carros, molins, batans... E en claus, rèishes e armes blanques. Mès tard, en arcbalèstes e auti objèctes de harga. Parallèlament, en sègle XVI s’auie iniciat era manufactura d’armes de huec portatil de avantcarga (cargades pera boca deth canon), que contunhèc de créisher pendent eth XVII e arribèc ara maxima produccion en sègle VIII, abans d’entrar en decadéncia e desaparéisher en XIX a causa des tresviraments politics e des prigonds cambiaments economics e tecnics que alavetz se produsiren.

Es armes fabricades enes talhèrs de Ripòlh son eth producte qu’a dat mès reputacion internacionau ara industria hargaira dera comarca. Plan ath delà dera sua foncionalitat, vien era culminacion des capacitats des sòns creadors e constituïssen un rebat perfècte dera plan nauta coneishença tecnica e dera sensibilitat artistica d’aguesti mestieraus. Ath delà d’aqueres que se destinauen a satisfèr es comandes des armades dera epòca, tanben se’n hègen modèls unics entà usatge civiu, creades coma elements de distincion e de luxe. Son era materializacion des abiletats e deth gost artistic d’uns vertadèrs expèrts en trabalh des metaus (eth hèr, eth laton e er argent), dera husta, des guarnidures e des mecanismes de precision que compausen ua arma de huec. Eth canon e era sarralha, que se afermen ara culassa o part de husta, hèn soent d’aguestes pèces autentiques òbres d’art, signades damb es penchucs des remercables armadurèrs ripolhesi.

Es mèstres canonèrs, sarralhèrs e culassèrs trabalhauen cada un en trabalh que les ère pròpri, mès s’acorropauen ena exigenta confrairia de Sant Elòi, era quau hège de garent entà assegurar era qualitat deth trabalh, en tot méter a pròva es armes abans de distribuïr-les en mercat, e en tot contrarotlar tanben eth procès d’aprendissatge entà vier mèstre en armes de pèira de huec.

SIGNOGUIA

25. Ripoll, París, Londres

OBJÈCTES

<p>Mus&egrave;u Etnografic de Rip&ograve;lh.</p>
Arma de huec
Arma de huec
scroll to top icon