Jòcs e joguets

Jogar ei tan ancian coma er òme. Pendent era infantesa ven era ocupacion primordiau e, possiblament, era mès educadora. Calerie distinguir, en aguesta edat, entre es jòcs e es joguets. Es prumèrs, abituaument, non an de besonh de quasi arren entà portar-les ara practica. Es dusaus pòden èster de diuèrses categories, en prètz e en qualitat. N’i auie, totun, de construïdes pera madeisha mainadèra. Es joguets mercauen diferéncies economiques, es jòcs non. Es jornades de hèr a cagar era soca, tà Nadau, e era des Reis èren es mès importantes laguens deth calendari infantil. Era pelèra e bèra auta escadença hestiva propiciauen es diversions des adults. Coma ei naturau, eth pas deth temps a modernizat fòrça mès es joguets que non pas es jòcs.