Antependium provient de Sant Joan de les Abadesses, sègle XII
Eth Liròt des Bruishes ei un teishut montat en un bastidor de husta que pendent sègles servic d’antependium. A dues bendes decoratives altèrnes. Ena inferiora, que se repetís en costat superior dera pèça, represente cobles de pavons, separadi per om o arbe dera vida. Era benda centrau mòstre cobles d’animaus fantastics. Es dus caps junhudi de bèri uns d’eri perfilen era aparència d’ua cara ath madeish temps umana e de bèstia, de sòrta que mos i cau cercar era origina deth nòm tradicionau deth teishut. Hè part d’un grop de teishuts ispanoarabs d’entre es sègles XI e XII, hèti damb era madeisha tecnica, es madeishes colors e era madeisha decoracion.
