Capa pluviau der avesque Bellera, c. 1350-1375
Era capa pluviau de Ramon de Bellera, avesque de Vic entre 1352 e 1377, siguec deishada ara catedrau ara sua mòrt. En sègle XVII siguec descosuda e aplicada a pèces des vestiments liturgics de Bernat Despujol. Mossen Gudiol la reconstruïc entre 1898 e 1899. Era capa ei de velós arròi, damb figures d’aur e sedes policròmes brodades en opus anglicanum, brodat pròpri d’Anglatèrra entre eth sègle XIII e era fin deth XIV, caracterizat pera estilizacion e er expressionisme des figures. Siguec confeccionada entre 1350 e 1370, moment en qué se conferís un gran expressionisme as representacions.
