Aguesta sòrta de brasèr damb anères e arròdes que permeten desplaçar-lo derive d’ua tipologia de raïtz romanica, o quitament anteriora. Estenut pera Euròpa meridionau, se mantenguec en usatge pendent es sègles XIV e XV. Ac demòstren nombroses hònts iconografiques, entre es quaus se pòt mencionar era scèna dera Nativitat deth retaule provienta dera glèisa parroquiau de Montanyana, pintat per Pere Garcia de Benavarri pendent era dusau mitat deth sègle XV. Era finalitat des brasèrs ère cauhar er espaci liturgic o mantier alugat eth combustible des encensèrs.