Anfòra atica atribuïda ath pintor de Saint-Audries, sègle VI aC, procedent des hòsses d’Etrúria (Itàlia)
Era anfòra, que servie tà portar e amiar liquids, presente vernís nere roienc en tot eth vas, damb era excepcion des quadres, on se desvolòpe eth tèma centrau: era despartida d’ua quadriga. Un auriga, ara dreta, vestit damb tunica longa e en·hilat naut deth carro tibant es retnes des shivaus, se dispause a partir; ara quèrra, un joen nud damb lança hè signe de dar comjat. Un audèth vòle entre er auriga e es shivaus. Ua cadia trenada de huelhes de paumes dobles corone era scèna. N’i a tres exemplars fòrça similars, atribuïdi ath madeish pintor, en Metropolitan Museum de Naua Yòrk.
