Autar de Santa Maria de Lluçà, Mèstre de Lluçà, sègle XIII, talhèrs de Vic
Er autar de Lluçà ei er exemple mès significatiu deth corrent italobizantin arribat en Catalonha enes environs der an 1200. A diferéncia des òbres conservades deth prumèr periòde d’aguest corrent, en autar de Lluçà i apareish ua scèna iconografica naua: era coronacion dera Mair de Diu, fòrça utilizada peth nau art gotic francés. Era auta cara laterau presente un tèma tanben fòrça originau: era Mair de Diu damb es sèt dons der Esperit Sant. Era cara frontau presente imatges deth cicle dera Encarnacion e auie decoracion damb lama de metau bronzada. Era òbra destaque pera sua grana qualitat artistica.
