Teishut e vestiment

Era colleccion de teishuts e de vestiment liturgic deth MEV ei ua des mès importantes de Catalonha e constituís era madeisha un musèu laguens deth musèu. S’expause en un espaci independent que permet eth contraròtle luminic e climatic mès adaptat entara conservacion des pèces. Cau tier en compde dus apartats: eth de vestiment e ornaments liturgics, e eth de fragments de teishuts.

Eth prumèr apartat ei format per auviatge corresponent ara liturgia. Se hè un ample recorrut pera istòria d’aguest auviatge, que compren pèces dempús deth sègle XIV enquiath XIX e constituís un autentic musèu d’istòria deth vestiment liturgic.

Eth dusau apartat correspon ara colleccion de teishuts istorics: dempús deth sègle IV, damb es teishuts còptes, enquiath sègle XVIII. Bèri uns provien de reliquiaris; d’auti, d’ornaments dera madeisha catedrau, e d’auti, der aqueriment de colleccions particulares.

Entre es teishuts ispanoarabs destaquen eth Liròt des Bruishes e es ornaments pontificaus de sant Bernat Calbó. Era capa der avesque Bellera en opus anglicanum, era casubla der avesque Ricomà, er ensemble de vestiments liturgics deth canonge Bernat Despujol o es antependiums damb brodaries aplicades son brilhants exemples de vestiment liturgic medievau, seguidi per importants exemples des sègles XVI-XVIII.