Eth baldaquin en panèus, ua tipologia de mòble liturgic romanic plan documentada en Catalonha, se plaçaue ena absida dera glèisa, sus er autar, sostengut per dues bigues. Auie era foncion d’emparar e méter en relèu er autar, eth mòble mès important dera glèisa, e en determinades celebracions s’i podien penjar lampes d’òli entà illuminar-lo. Eth baldaquin de Ribes ei considerat un cap d’òbra dera pintura romanica catalana sus husta. Era grana qualitat tecnica e creativa d’aguest artista permet comparar-lo solament damb er autor que hec es pintures muraus de Sant Climent de Taüll.