En aguesta òbra emblematica de Joan Gascó, pintor navarrés installat en Vic a començaments deth sègle XVI, i destaque era influéncia dera estetica flamenca, pr’amor d’açò era taula siguec atribuïda erronèament ara Escòla alemanda e ath pintor cordoés Bartolomé Bermejo. Era atribucion a Joan Gascó ei indobtable, sustot pera extraordinària semblança que presente damb eth profèta David deth retaule major dera glèisa de Sant Esteve de Granollers, actuaument conservat en Musèu Nacionau d’Art de Catalonha. Era taula aperten a ua tipologia de veroniques de Crist e dera Mair de Diu abondives enes glèises catalanes dera baisha edat mejana.