Orant, decoracion murau dera glèisa de Sant Quirze de Pedret (Berguedan), finau s. X - inici deth XI. Musèu Diocesan e Comarcau de Solsona.
Quan s’arringuèren es pintures romaniques dera glèisa de Sant Quirze de Pedret apareisheren rèstes d’ua decoracion murau anteriora, preromanica. Son dus fragments que èren a costat e costat dera hièstra dera absida centrau. Un d’aguesti fragments ei coneishudi per er Orant, a on se represente un personatge masculin damb es braci estenudi en actitud de pregària, laguens d’un doble cercle e decorat en ziga-zaga. Sus aguest cercle i a un audèth damb es ales estenudes.
