Vista generau der àmbit d’objèctes de sau, procedenti des mines de Cardona (Bages).
A mejans deth sègle XIX viuie en Cardona (Bages) Mn. Joan Riba i Fígols, òme polifacetic hilh dera parròquia dera Selva (Navès, el Solsonès). Ath delà des foncions pròpies deth sacerdòci se dedicaue, amassa damb d’auti artistes dera epòca (sabem eth nòm de quauqu’uns d’aguesti collaboradors: Joan Cutrina, Josep Sunyol, Joan Grau, Lluís Vermell, eth florentin Giovanni Battista Pietrasanta...), a bastir castèths, estatues, imitacions de tota classa de fruts, utisi de taula, gormanderies, armes... damb era peculiaritat qu’era matèria qu’utilizaue, de manèra exclusiva, ère era sau gemma des mines que i dejós dera vila de Cardona. Ne hec un petit musèu en casa, qu’auec ua grana acuelhuda peth public e era critica segontes es croniques dera epòca e es impressions qu’anotauen es visitants enes libres de signatures. Ara mòrt de Mn. Joan Riba, er evesque Ramon Riu i Cabanes, impulsor deth musèu, cromprèc aguesta colleccion en publica subasta e la trasladèc tà Solsona. Actuaument podem veir ua seleccion d’aguestes òbres ena prumèra sala deth musèu.
