Ivelha

Ivelha de centura de bronze, deth sègle IV aC, procedenta deth jadiment iberic de Sant Miquel de Sorba (Montmajor, eth Berguedan). Ena superfícia extèrna se consèrven rèstes d’ua capa daurada. Era decoracion consistís en espiraus e dues figures suberpausades de shivaus estilizadi, enrodades per petiti motius geometrics. Eth shivau auie ua grana importància entàs pòbles preromans, tant en epòca de guèrra coma de patz. S’utilizaue coma motiu decoratiu, a viatges damb un significat de caractèr funerari, en tot simbolizar era immortalitat.