Era casa deth capatàs ère plaçada apròp des installacions minères. Mina Victòria. Musèu dera Val d'Aran.
Eth desvolopament dera indústria minèra suposèc era arribada en Aran de man d’òbre horastèra e eth fren dera emigracion sasoèra en França. Aquerò comportèc mès circulacion de sòs e eth besonh de corbir es besonhs des obrèrs e nauti cargues des mines. Per aguesta arrason, se bastissen cases, se lòguen crambes… e se daurissen establiments coma botigues, cafès, tavèrnes, eca.
Aguesta bastissa ère era casa deth capatàs. Es rèstes conservades mos indiquen un bastiment de dus estatges e humarau hèt damb materiaus dera zòna: pèira e husta. Era bastissa semble correspóner ara prumèra epòca dera espleita minèra.
