Mòla de Salardú

Eth profitament deth cabau der arriu, tant en Aran coma era rèsta des Pirenèus, a estat ath long des sègles era principau hònt d’energia qu'a moigut mòles, ressègues e fabriques de lan. Coneishem era existéncia de mòles harières en Aran a compdar dera edat mejana. Se tractaue de mòles de proprietat comunau que servien a abastar de haria as vesins des pòbles.

D'ençà der an 2003, era Mòla de Salardú hè part des Musèus dera Val d’Aran. Trobam documentada peth prumèr viatge aguesta anciana mòla harièra en an 1613, e siguec en foncionament enquiara fin dera Guèrra Civiu. Era Mòla represente eth prototipe de mòla aranesa: un bastiment de petites dimensions, d’ua soleta planta, bastida damb es madeishi materiaus dera arquitectura locau: pèira de granit, husta e lòsa. Ena sua restauracion se conservèc ua bona part dera estructura, es objèctes er entorn originau dera bastissa.