Cercador de musèus

Musèu dera Val d'Aran

Glèisa de Sant Joan d´Arties

Eth pòble d’Arties hestege cada an era sua hèsta major, en Sant Joan, damb ua missa ena glèisa.

Eth pòble d’Arties hestege cada an era sua hèsta major, en Sant Joan, damb ua missa ena glèisa.

Era glèisa de Sant Joan d’Arties ei ua des dues glèises que se conserven ena vila d’Arties. Se tracte d’ua glèisa gotica deth sègle XIII, d’ua soleta nau, damb ua entèsta de tres absides poligonaus e tet de crotzeria enes absides e enes dus prumèrs segments dera nau.

Aguesta glèisa passèc d'usatge dempús d'èster utilizada damb diferentes foncions en acabar era Guèrra Civiu. Fin finau podec èster restaurada, e en an 1988 se convertic en sala d’exposicions temporaus, damb era inauguracion dera prumèra exposicion, «Es gascons e era musica», organizada peth Musèu dera Val d’Aran.

Aué, en aguesta sala se pòden veir nombroses exposicions, a on se mòstren diuèrsi aspèctes tant dera tradicion, dera cultura e dera istòria aranesa coma d’auti encastres dera coneishença, der art, eca. Ei venguda un espaci polivalent a on tanben se celèbren jornades, conferéncies e corsi que complèten tot çò que s’i expose.

MAPA

INFORMACION

ADREÇA
TARIFES
TELEFÒN
WEB
http://www.cultura.conselharan.org/content/category/15/53/148/lang,catalan/
ORARIS
ADREÇA ELECTRONICA
info.museu@aran.org
scroll to top icon