Era codina ère era estança mès cauda e mès ben illuminada dera casa. Per aguesta rason, en tot profitar er espaci plaçat dejós der escalèr, i trobam eth lhet. Eth lhet se destinaue as mès vielhi dera casa o as malauts. Per miei de dues pòrtes, eth lhet demoraue amagat des possibles guardades indiscrètes des persones qu'anauen a visitar ara familha. En aguest cas, ua redusida hièstra orientada tath vestibul permetie era entrada de lutz laguens era petita cramba.
Se tracte d’un lhet de husta de pin des sègles XIX-XX, d’estil francés.