Era mule-jenny ei era precursora de maquines coma era berguedana o es selfactines. Fabrica dera lan (Vielha). Musèu dera Val d'Aran.
Era mule-jenny ère ua hiladora intermitenta que s’encargaue de hilar era lan, ei a díder, de hèr hiu damb es mèques que proviegen dera carda mequèra.
Aguesta hiladora intermitenta foncionaue a dus tempsi: prumèr estiraue e torcie eth hiu, e, dempús d’ua pausa, l’enrotlaue en husèth.
Se tracte d’ua maquina semimecanizada, peth hèt qu'ua part deth sòn foncionament ère de caractèr manuau. Un manòbra auie de controtlar constantament, pr'amor que, en cas qu'un des hius se trinquèsse, calie arturar eth procès entà nudar-lo e, atau, evitar qu'aqueth maumetesse era rèsta.
