Eth tèrç deth sègle XIX arribe ara industrializacion dera man d’empreses franceses e bèlgues, interessades en explotar es mines araneses, riques en galena e blenda. D’aguesti mineraus se’n podie extrèir eth zinc, un metau alavetz innovador e fòrça apreciat. Entà portar a tèrme aguesta explotacion se modernizèren es antiques mines e se’n dauriren d’autes. Se dotèren de complèxes installacions e enginhs mecanics entara extraccion, transpòrt e tractament deth minerau que s’exportaue tà França.
Açò comportèc ua demana de man d’òbra, e minèrs e enginhèrs de procedéncies diuèrses arribèren entà curbir es lòcs de trabalh especializadi, en tant qu’eth rèste se curbie damb persones dera comarca. Açò supausèc ua ajuda entara subsisténcia des abitants dera region, que compaginauen aguesta activitat damb era pagesia, en tot trebalhar coma transportistes, traginèrs, electricistes o mecanics.
Maugrat tot, pendent era prumèra mitat deth sègle XX, era escassa rendibilitat hec a barrar es explotacions.