Es trabalhs enes bocards èren desvolopadi, segons es epòques, principauments per hemnes e adolescents. Lauader de Pontaut.
Ena Mina Victòria s’espetaue era esfalerita o blenda, d'a on se n'extrège eth zinc, a compdar de filons o nivèus mineralizadi. Es mès importants arrecebien es nòms de Filon dera Artiga o Milagro, Filon Nòrd-èst, Filon Principau e Filon Primitivo.
Eth horadament des galaries se realizaue damb horadaderes, e a compdar de 1912 uns compressors provedien aire comprimit entà horadar. Se plaçaue era dinamita laguens deth horat dera horadadera e se hège a espetar.
Dempús de cada explosion, se separaue eth minerau o des arròques esteriles, e per miei de humenèges regulades per tremuges de husta se baishaue eth minerau tàs diferenti nivèus. Aqueri mineraus se cargauen en vagonetes que circulauen per vies enquiar exterior dera mina. Es vagonetes èren tirades per traccion umana, e solament enes galaries inferiores mès granes s'a notícia der usatge dera traccion animau. Ena galaria Sinçay, es darrèri ans s’utilizèc energia electrica entà mòir es vagonetes.
Es arròques esteriles tanben se transportauen damb vagonetes enquiar exteriora, a on se lançauen enes tarcumèrs, deth temps qu'eth minerau se cargaue enes teleferics e se transportaue enquiath lauader de minerau o bocard de Bossòst.
