Eth Museu del Suro ei ua institucion que se dedique ara interpretacion e difusion deth patrimòni e des territòris vinculadi ath mon surrèr catalan.
Eth prumèr objècte deth musèu ei eth pròpri edifici, ua fabrica modernista projectada peth General Guitart e bastida entre es ans 1900 e 1907 qu’actuaument conten es diuèrsi espacis expositius, ath torn d’ua petita plantacion de surrèrs.
Eth musèu propòse un tastet destillat de bòsqui de casses surrèrs, de surrèrs, dera sua transformacion artesanau e industriau en objèctes diuèrsi e, tanben, a trauès d’un audiovisuau, dera espectaculara istòria dera que siguec era fabrica surrèra mès grana der Estat espanhòu e ua des mès importantes deth mon.
En musèu, tanben se i hèn exposicions temporaus, ath delà d’activitats e talhèrs infantils o familiars. Tanben dispause d’ua botiga de productes de surrèr.
Tarifa generau: 3,00 €
Tarifa redusida: 1,50 €
(Consultatz gratuïtats e descompdes)
En coche des deth nòrd:
Autopista AP-7, direccion Barcelona. Préner era gessuda 6 Girona Sud, direccion Palamós. Continuar pera carretèra C-66, en direccion tà Palamós enquia arribar en Palafrugell.
Des deth sud:
Autopista AP-7, direccion França. Préner era gessuda 9 Maçanet, Santa Coloma, Lloret, Sant Feliu de Guíxols, direccion Sant Feliu de Guíxols
Carretèra C-35, en direccion Sant Feliu de Guíxols. Carretèra C-31 direccion Palamós enquia arribar en Palafrugell.