Eth poèta, dramaturg e artista plastic catalan Joan Brossa (1919-1998) tostemp sentec ua grana predileccion peth mon deth joguet e ua especiau fascinacion pera magia, era prestidigitacion, er illusionisme e eth transformisme. Dilhèu açò explique eth sòn ligam d’amistat e collaboracion damb eth musèu. Brossa dèc ath musèu fòrça des joguets que colleccionèc ath long dera sua vida. En paraules sues: «Era vida seguís eth sòn cors. Puge e baishe, ordene e desordene es esfòrci. A viatges ei hièstra, a viatges ei miralh. Jòcs, magia, teatre, cine, poesia hèn part d’aguesta illusion tan de besonh qu’ei er art».