Guy Selz obtenguec aguest taure en quadre d’ua exposicion damb venda d’art popular mexican qu’era UNESCO organizèc en París de cap ath 1960. Detalhen es sòns hilhs, Dorothée e Philippe, que i anèc entà corbir er eveniment entara revista illustrada Elle. Aguesta pèça atreiguec tant era sua atencion qu’eth comissari dera exposicion li assegurèc que serie tà eth. André Malraux, ministre de Cultura dera epòca, inaugurèc era exposicion e, meravilhat deuant deth taure, tanben lo volie. Eth comissari, totun, objectèc que ja l’auie emparaulat damb eth jornalista, çò que semble que maucontentèc Malraux.