HAG, fabricant soís de trens en miniatura reputat per uns modèls robusti e valoradi pes colleccionistes, s’especializèc en modèls de trens soïssi a escala H0 (era escala mès espandiosa e que correspon a 1/87, damb ua amplària de via de 16,5 mm).
Aguesta locomotritz electrica, deth 1989, n’ei un exemple. Imita ara perfeccion es Re 4/4 (num. 162) dera enterpresa operadora dera infrastructura ferroviària soïssa BLS (Bern-Lötschberg-Simplon), linha que connècte Itàlia damb Soïssa. En servici eth 1964, era locomotritz Re 4/4 arrossegaue tant trens exprèssi coma merces pesantes, e podie circular a ua velocitat maxima de 140 km/h.