Era alemanda Märklin, de prestigi internacionau en encastre deth modelisme ferroviari, fabriquèc era miniatura (escala H0, que correspon a 1/87, damb ua amplada de via de 16,5 mm) dera locomotritz de vapor num. BR 18 478 apertient ara enterpresa alemanda Deutsches Bahn.
Aguestes locomotritzes, que pesauen 149 tones e podien arribar as 130 km/h, sigueren utilizades entà trens exprèssi. Era societat Maffei, de Munic, siguec era encargada de fabricar era locomotritz entre eth 1918 e eth 1930. Ans mès tard, era companhia espanhòla MZA aqueric quate unitats d’aguestes locomotritzes dempús que s’adaptèssen ara amplada de via iberica.