En Jòc dera Auca guanhe qui abans acabe eth recorrut pes seishanta tres caleishons. Er azard des dats dicte era fortuna deth jogador. Per açò i a qui assimile aguest jòc ara aventura dera vida.
Era origina d’aguest jòc ei incèrta, maugrat que se considère que, en tot basar-se enes jòcs practicadi en Orient Mejan e Asia, s’aurie creat en Itàlia de cap ath 1580. Pòc dempús dera sua invencion, eth duc dera Toscana, Francesc I de Medici, l’aufric ath rei d’Espanha Felip II. Diferentes versions deth jòc s’estampèren o enregistrèren en Londres e Lion a finaus deth sègle XVI e començament deth XVII.