Aguesti patins, hèti damb hèr, husta, cuèr e goma, se caracterizauen per èster extensibles, de forma qu’era basa se podie esténer a flor e mesura qu’eth pè deth sòn proprietari creishie. Eth musèu expause es qu’auien apartengut ar escrivan Quim Monzó, que rebrembe que les i regalèren quan auie apruprètz quate ans e les utilizèc enquia que ne hec catorze. Segons explica eth madeish, en moment de dar es patins ath musèu s’encuedèc, en tot veir er esquiçadís dera goma davantèra, que non aprenec jamès a frenar damb eth pè esquèr.