Fòrça des jòcs damb qu’era mainadèra se distrège en sègle XIX (e bèri mainatges aué dilhèu encara i jòguen) èren eretadi dera antiquitat. N’i auie que, coma eth quicho (numèro 45), vengueren especiaument populars pendent era edat mejana. En aguesta auca destaquen bèri jòcs coma era gaudrofa (numèros 6 e 9), era forriala (numèro 21) e es soldats (numèro 29).
Er etnològ e folclorista Joan Amades estudièc aguesta auca catalana e hec a notar qu’enes jòcs infantils perviuien «es rèstes e es hons de diuèrses ceremònies e usatges rituaus des liturgies primàries».