Cercaire de musèus e localitats

Museu deth Joguet de Catalunya

Capítol «Meccano»

Eth succès internacionau de Meccano dèc pè ara creacion d’auti jòcs de construccion, coma Metaling e Trix. Fotografia de MJC.

Eth succès internacionau de Meccano dèc pè ara creacion d’auti jòcs de construccion, coma Metaling e Trix. Fotografia de MJC.

Meccano ei, probablament, eth joguet mès innovador de començament deth sègle XX. Era aparicion d’aguest jòc de construccion metie era engenharia a portada de man de toti es mainatges e adolescents. Ua dera caracteristiques d’aguest joguet ei que se podie hèr mès complèx a mesura qu’eth mainatge creishie. Se podie començar damb ua caisha mès o mens petita e economica, e agranir-lo damb caishes complementàries enquia obtier construccions sofisticades a on, ath delà de listres, plaques e supòrts, i interviegen carrèles, ròdes, motors e axes.

Non ei estranh, donques, que Meccano causèsse sensacion tanben entre es adults que començauen a preocupar-se pera foncion educativa des joguets, en linha damb eth nau modèl pedagogic de començaments deth sègle XX.

Fabricat eth 1901 en Liverpool (Anglatèrra) per Hornby Trains, Meccano se comencèc a exportar rapidament pertot deth mon. Eth sòn creador, Frank Hornby (1863-1936), auie sollicitat un brevet eth 1901 entà produsir era sua invencion damb eth nòm de Mechanics Made Easy (Mecanica Hèta Facila), que devierie Meccano en 1907. En Catalonha, eth fabricant Palouzíe n’artenhec era representacion entara peninsula Iberica eth 1919 e, amassa damb Novedades Poch, lo fabriquèc en Barcelona a compdar deth decènni deth 1930.

.

OBJÈCTES

<p>Era tor Eiffel de Meccano, constru&iuml;da per Palouz&iacute;e e Poch, bon reclam de vendes deth producte. Fotografia de Jordi Puig. Museu deth Joguet de Catalunya. Figueres.</p>

<p>&nbsp;</p>
Tor Eiffel de Meccano
Tor Eiffel de Meccano
<p>Es p&egrave;ces de Meccano &egrave;ren de color niqu&egrave;l. Era 1926 s&rsquo;i incorpor&egrave;ren verd e vermelh, e eth 1934, blu, auri&ograve;u e daurat. Fotografia de MJC. Museu deth Joguet de Catalunya. Figueres.</p>

<p>&nbsp;</p>
Expositor de pèces de Meccano
Expositor de pèces de Meccano
scroll to top icon