Cercaire de musèus e localitats

Museu del Joguet de Catalunya

Capítol «Maqueta ferroviària d’Andreu Costa Pedro»

Es maquetes ferroviàries son ua afeccion qu’atrè fòrça adults, coma Andreu Costa Pedro. Fotografia de MJC.

Es maquetes ferroviàries son ua afeccion qu’atrè fòrça adults, coma Andreu Costa Pedro. Fotografia de MJC.

A finaus deth sègle XIX, apareisheren joguets engenhosi damb tecnologies innovadores. Atau sorgiren es trens en miniatura, que, damb es ans, evolucionèren cap ath maquetisme e eth modelisme ferroviari. Grani fabricants coma Märklin, Hornby, HAG, Fleischmann, etc. atau coma nombrosi artesans, contribuïren a diversificar era produccion de reproduccions a escala redusida de modèls especifics dera vida reau.

Eth modelisme ferroviari siguec ua des granes afeccions d’Andreu Costa Pedro, constructor d’aguesta maqueta de granes dimensions (7,5 × 4 m), realizada entre eth 1994 e eth 2013, e que siguec dada en donacion ath musèu pera sua hilha, un còp mòrt eth sòn pair.

En decènni deth 1960, Andreu Costa crompèc ua maquina de tren d’escala H0, bèri vagons e bères vies, menat peth desir d’acontentar era peticion as Arreis Magues inacomplida cada an. Construïc era prumèra maqueta eth 1964. Dètz ans mès tard, damb mès lòc en casa, ne hec ua dusau. Dempús deth 1994, ja retirat, ne realizèc era tresau, expausada en musèu. Ath delà de crear eth circuit e era part electrica des maquetes, Andreu Costa tanben dedicaue temps a decorar-es (montanhes, pònts, lacs, etc.), entà aportar-i mès realisme e detalhisme.

OBJÈCTES

scroll to top icon