Eth Cine NIC siguec eth prumèr projector d’imatges en moviment pensat entà èster utilizat pes mainatges. Comercializat a compdar deth 1931, ei òbra des frairs Tomàs e Josep Maria Nicolau Griñó de Barcelona.
A compdar d’aguest modèl iniciau, e deth sòn simple mecanisme de foncionament, se fabriquèren nombrosi modèls e variantes enquiath 1974, quan era fabrica barrèc es sues pòrtes. Cine NIC Sonor, Cine NIC TV e Super Cine NIC sigueren bèri uns des sòns modèls mès celebradi.