Eth 1892 Émile Reynaud inicièc es representacions estables deth teatre optic en Musée Grévin de París jos eth nòm de Pantomimes Lumineuses, que durèren enquiath 1900, damb un totau de 12.800 representacions deuant mès de miei milion d’espectadors. Eth teatre optic projectaue en ua pantalha un film de diboishi animadi d’entre sies e quinze menutes de durada. Ei considerat er antecedent des projeccions de diboishi animadi enes sales de cinèma. Era tecnica deth teatre optic se base ena deth praxinoscòpi, tanben inventat per Reynaud.