Inventat per Beale eth 1866, ère un mecanisme entara projeccion animada de diboishi damb ua lantèrna magica, sus era basa dera teoria dera persisténcia retinau.
Ère format per ua placa de veire ena quau i auie pintadi, sus hons nere, diuèrsi diboishi dera seqüéncia deth moviment d’ua esqueleta. Aguesta placa ère montada sus un mecanisme damb crotz de Malta, que hège a auançar era imatge còp sec. Aguest mecanisme siguec eth que mès tard s’utilizèc enes sistèmes d’arrossegament intermitent des pellicules enes camères e projectors cinematografics.