Polyorama Panoptique, P. H. A. Lefort, França, dempús deth 1850. Musèu deth Cinèma - Colleccion Tomàs Mallol.
Aparelh entà usatge domestic o familhau inventat per Lemaire a mejan sègle XIX e inspirat enes espectacles publics deth mondo nuovo o caisha d’optica. Ei ua caisha portativa damb ua lent ena part frontau, que permet era visualizacion d’ua vista optica.
Aguesta vista optica ei translucida, e eth cambiament ena incidéncia dera lutz permet variar era condicion dera imatge. Per exemple, s’era lutz incidís ena part deth deuant dera vista, era imatge visualizada ei en plen dia; s’eth rai luminós entre peth darrèr, era imatge se transforme en nocturna.
