Patentat eth 13 de hereuèr de 1895 pes frairs August e Louis Lumière, eth Cinématographe Lumière podie enregistrar fotograficament imatges en moviment en rason de setze imatges per segon (dus torns de maneta) sus ua pellicula de celluloïd de 35 millimètres perforada (ua perforacion a costat e costat de cada fotograma) e de dètz-e-sèt mètres de longor. Aguest aparelh tanben podie projectar imatges (en tot incorporar-i ua lantèrna magica coma hònt de lutz) e tirar còpies de pellicules. Damb un aparelh coma aguest se realizèren es prumères projeccions de cinèma.